საგანმანათლებლო პროგრამის მიზანია მოამზადოს საქართველოს სამოქალაქო ავიაციის სააგენტოს და სამოქალაქო ავიაციის საერთაშორისო ორგანიზაციის (ICAO) სტანდარტების შესაბამისი პერსონალი აეროდრომის ექსპლუატაციისა და მშენებლობის დარგში. საგანმანათლებლო პროგრამის განხორციელების შედეგად ავიასპეციალისტი კონკურენტუნარიანი იქნება როგორც ადგილობრივ, ასევე საერთაშორისო შრომის ბაზარზე და საკუთარი კომპეტენციის ფარგლებში უზრუნველყოფს ნებისმიერი ზომის აეროდრომისა და ვერტოდრომის მშენებლობის პროცესში მონაწილეობის მიღებასა და ექსპლუატაციას.

საგანმანათლებლო პროგრამის შინაარსი და სწავლების ხარისხი უზრუნველყოფს იმგვარი სწავლის შედეგების მიღწევასა და კომპეტენციების გამომუშავებას, რომლის შედეგად პირს შეუძლია სამოქალაქო ავიაციის ეროვნული და საერთაშორისო სტანდარტების დაკმაყოფილება.