სტუდენტობა თითოეული ადამიანის ცხოვრებაში ბევრი თვალსაზრისით არის მნიშვნელოვანი. ეს ის პერიოდია, როდესაც ადამიანთა უმრავლესობა მომავალ პროფესიას ირჩევს და სწორედ ამ პერიოდში ფორმირდება სოციალური, ინტელექტუალური, ფიზიკური, ემოციური თუ მორალური უნარები. ცხადია, აღნიშნული ასპექტები სტუდენტური ცხოვრების გამოწვევას წარმოადგენენ, თუმცა, საქართველოს საავიაციო უნივერსიტეტი შესაძლებლობას გაძლევთ სწორედ აქ შეიძინოთ ეს უნარები და მიიღოთ სრულფასოვანი, ხარისხიანი განათლება. ამასთანავე, უნდა აღინიშნოს, რომ უნივერსიტეტს გააჩნია თანამედროვე ევროპული სტანდარტების მატერიალურ-ტექნიკური ბაზა, სადაც აკადემიური პერსონალი, დარგის პროფესიონალები და გამოცდილი მფრინავ-ინსტრუქტორები მომავალ პროფესიონალ პილოტთა და ავიასპეციალისტთა მომზადებას ახორციელებენ. უნივერსიტეტი ასევე შესაძლებლობას გაძლევთ მონაწილეობა მიიღოთ, როგორც ადგილობრივ პროექტებში,ასევე საერთაშორისო გაცვლით პროგრამებში.