პროგრამის მიზნებია:

1. მოამზადოს კვალიფიციური,კონკურენტუნარიანი კადრები,რომლებსაც
ექნებათ ფართო თეორიული ცოდნა კომპლექსური ბიზნეს სამყაროს და საჰაერო
ტრანსპორტით მგზავრებისა და ბარგის გადაყვანა-გადაზიდვების შესახებ;
· მმართველობითი ტექნიკის გამოყენებით შეეძლებათ მონაწილეობა მიიღონ
გადაწყვეტილების მიღების პროცესში და აღჭურვილნი იქნებიან სამოქალაქო ავიაციის დარგში
მოქმედი და ზოგადად ორგანიზაციების პროცესების მართვისათვის საჭირო ინსტრუმენტების
ეფექტური გამოყენების უნარებით.
2. უზრუნველყოს:
· საჰაერო ტრანსპორტით მგზავრებისა და ბარგის გადაყვანა-გადაზიდვის საკითხების
კრიტიკული გააზრება;
· მონაცემების შეგროვების,დამუშავების,ანალიტიკური აზროვნების, სანდო და სათანადო
დასკვნების გაკეთების უნარების გამომუშავება;
· ქართულ და ინგლისურ ენებზე ეფექტური ზეპირი და წერილობითი კომუნიკაციის
წარმოება.
3. განუვითაროს,ორგანიზაციის მართვის პროცესში გადაწყვეტილების მიღების პრაქტიკული უნარ-
ჩვევები,რაც ხელს შეუწყობს კარიერულ წინსვლას,როგორც საავიაციო ისე სხვა, კერძო და საჯარო სექტორში.

საქართველოს საავიაციო უნივერსიტეტის საჰაერო ტრანსპორტის მენეჯმენტის საბაკალავრო
საგანმანათლებლო  პროგრამაზე ჩარიცხვა ხორციელდება„უმაღლესი განათლების შესახებ“საქართველოს
კანონით დადგენილი აკადემიური უმაღლესი განათლების პირველ საფეხურზე ჩარიცხვის წესის
შესაბამისად.
სწავლის უფლება აქვს საქართველოში გაცემული ან მასთან გათანაბრებული სრული ზოგადი
განათლების დამადასტურებელი სახელმწიფო სერტიფიკატის მქონე პირს,საქართველოს განათლებისა,
მეცნიერების, კულტურისა და სპორტის სამინისტროს მიერ დადგენილი წესის შესაბამისად, ერთიანი ეროვნული გამოცდების შედეგების საფუძველზე.  

ერთიანი ეროვნული გამოცდების გარეშე სტუდენტის სტატუსის მოპოვების უფლება შესაძლებელია
საქართველოს განათლებისა და მეცნიერების სამინისტროს მიერ დადგენილი წესების საფუძველზე.
პროგრამაზე სწავლის უფლების მოპოვება ასევე შესაძლებელია მობილობის ან შიდა მობილობის გზით,
საქართველოს კანონმდებლობითა და უნივერსიტეტის შიდა მარეგულირებელი წესების მოთხოვნათა
გათვალისწინებით.
საბაკალავრო საგანმანათლებლო პროგრამაზე ჩარიცხვა ან გადმოყვანის წესით ჩარიცხვა უცხო
ქვეყნის აღიარებული უმაღლესი საგანმანათლებლო დაწესებულებიდან ხორციელდება საქართველოს
განათლების,მეცნიერების,კულტურისა და სპორტის სამინისტროს გადაწყვეტილების საფუძველზე.
განათლების აღიარების დოკუმენტი იმ პირთათვის, რომლებიც ბოლო 2 წლის განმავლობაში
სწავლობდნენ და სრული ზოგადი განათლების ან საბაზო ზოგადი განათლების დამადასტურებელი
დოკუმენტი მიიღეს„ოკუპირებული ტერიტორიების შესახებ“საქართველოს კანონით გათვალისწინებულ
ოკუპირებულ ტერიტორიაზე არსებულ ზოგად საგანმანათლებლო დაწესებულებებში.

საქართველოს საავიაციო უნივერსიტეტის უმაღლესი საგანმანათლებლო პროგრამების
შემუშავების, დამტკიცების, მასში ცვლილების შეტანისა და გაუქმების წესისა და პროცედურების
თანახმად დაიგეგმა და შემუშავდა საჰაერო ტრანსპორტის მენეჯმენტის საბაკალავრო საგანმანათლებლო
პროგრამა, რომელშიც მონაწილეობა მიიღო ყველა დაინტერესებულმა მხარემ (იხ. დანართი 2). ამ
რეგულაციის თანახმად, პროგრამის დაგეგმვა-შემუშავებისა და განვითარების პროცესში
გათვალისწინებულია შრომის ბაზრის მოთხოვნები(იხ.დანართი10),ადგილობრივი და საერთაშორისო
გამოცდილება.
საჰაერო ტრანსპორტის მენეჯმენტის საბაკალავრო საგანმანათლებლო პროგრამის შემუშავებისას
გამოყენებულია საგანმანათლებლო პროგრამის შემუშავების,დამტკიცების,მასში ცვლილების შეტანისა
და გაუქმების წესი და პროცედურები, რომელიც მოიცავს პროგრამის შემუშავებისა და დაგეგმვის
ძირითად პრინციპებსა და მასთან დაკავშირებულ ყველა პროცესს. პროგრამის შემუშავებისას
გათვალისწინებულია პროგრამის შეფასების კრიტერიუმები, რომლებშიც დადგენილია დეტალური
მოთხოვნები პროგრამის შემადგენელ ყველა მნიშვნელოვან ასპექტთან მიმართებაში.
პროგრამის შინაარსი შეესაბამება საბაკალავრო საფეხურისთვის ეროვნული საკვალიფიკაციო
ჩარჩოთი განსაზღვრულ მოთხოვნებს. მისი მოცულობაა 180 კრედიტი. პროგრამის შინაარსი და
სტრუქტურა შესაბამისობაშია მისანიჭებელ კვალიფიკაციებთან და უზრუნველყოფს პროგრამის სწავლის
შედეგების მიღწევას.პროგრამას ახლავს პროგრამის მიზნებისა და სწავლის შედეგების რუკა,რომელიც
ადგენს მიმართებას პროგრამის მიზნებსა და სწავლის შედეგებს, ასევე პროგრამის სასწავლო კურსებსა და
სწავლის შედეგებს შორის კერძოდ,საბაკალავრო პროგრამის მოთხოვნების შესასრულებლად სტუდენტმა
უნდა დააგროვოს 180კრედიტი.
საბაკალავრო პროგრამის სტრუქტურა:
· ძირითადი სწავლის სფეროს სავალდებულო სასწავლო კურსები-136 კრედიტი
· ძირითადი სწავლის სფეროს არჩევითი სასწავლო კურსები არჩევითი-20 კრედიტი;
· თავისუფალი სავალდებულო კომპონენტები-24 კრედიტი;
საჰაერო ტრანსპორტის მენეჯმენტის საბაკალავრო პროგრამა შედგება ძირითადი სწავლის სფეროს
სავალდებულო, არჩევითი და თავისუფალი სავალდებულო კომპონენტების ერთობლიობისაგან.
ძირითადი სწავლის სფეროს სავალდებულო სასწავლო კურსების მეშვეობით სტუდენტი იძენს
ძირითადი საქმიანობის სფეროს-მენეჯმენტის მათ შორის საჰაერო ტრანსპორტის დარგში მიმდინარე პროცესების უახლეს ასპექტებს.
პროგრამაში შემავალი კომპონენტების თანმიმდევრობა და დაშვების წინაპირობა ლოგიკურად
არის განსაზღვრული პროგრამის სტრუქტურაში. პროგრამის კომპონენტები ლოგიკურად ებმის
ერთმანეთს, ორიენტირებულია პროგრამით გათვალისწინებული მიზნების და სწავლის შედეგების
მიღწევაზე,ხოლო წინაპირობების არსებობა უზრუნველყოფს ცოდნის თანმიმდევრულ აკუმულირებას.
საჰაერო ტრანსპორტის მენეჯმენტის საგანანმანათლებლო პროგრამის ძირითადი სწავლის
სფეროს სავალდებულო სასწავლო კურსების ნაწილი შედგება კურსებისგან,რომლებმაც სტუდენტს უნდა
შესძინოს ორგანიზაციების, მათ შორის სამოქალაქო ავიაციის ორგანიზაციების, მართვისათვის საჭირო
ცოდნა და უნარები. შედეგად სტუდენტები გამოიმუშავებენ კომპანიის საქმიანობის ორგანიზების,
მართვის უნარებს და დასახული მიზნის მიღწევის ეფექტურ მეთოდებს.ძირითადი სასწავლო კურსების
ფარგლებში სტუდენტებს ასევე უვითარდებათ ანალიტიკური უნარები,რაც დაეხმარება მათ სწორად და
სწრაფად გადალახონ ორგანიზაციების, მათ შორის სამოქალაქო ავიაციის წინაშე წარმოქმნილი
პრობლემები. ძირითადი სწავლის სფეროს სავალდებულო სასწავლო კურსების ფარგლებში ასევე
ისწავლება ორგანიზაციაში მმართველობითი გადაწყვეტილების მიღებისათვის აუცილებელი
დისციპლინები: ეკონომიკის პრინციპები, მარკეტინგი, კალკულუსი და სტატისტიკა, ფინანსური და
მმართველობითი აღრიცხვა. სამოქალაქო ავიაციის თემატიკის სასწავლო კურსები კი თავის მხრივ
სტუდენტს უყალიბებს სფეროში მიმდინარე პროცესების ცოდნას, განუვითარებს ამ  პროცესებში
მონაწილეობის აუცილებელ უნარ-ჩვევებს, რაც თავის მხრივ წარმოადგენს კურსდამთავრებულის
სამოქალაქო ავიაციის დარგში ინტეგრაციის წინაპირობას.
პროფესიულ დონეზე, ინგლისურ ენაზე კომუნიკაციის უნარ-ჩვევების გამომუშავების მიზნით,
პროგრამის ფარგლებში თავისუფალ სავალდებულო მოდულში, 4 სემესტრის განმავლობაში ისწავლება
ზოგადი და ბიზნეს ინგლისური ენა, რაც საბოლოო ჯამში სტუდენტს შესძენს პროფესიული ინგლისური
ენის ცოდნას B2 დონეზე.