საგანმანათლებლო პროგრამის მიზანია მოამზადოს ევროპის საავიაციო უსაფრთოხების სააგენტოს (EASA) სტანდარტების შესაბამისი ტექნიკური მომსახურების სპეციალისტები. საგანმანათლებლო პროგრამის განხორციელების შედეგად ავიასპეციალისტი კონკურენტუნარიანი იქნება როგორც ადგილობრივ, ასევე საერთაშორისო შრომის ბაზარზე და საკუთარი კომპეტენციის ფარგლებში უზრუნველყოფს საჰაერო ხომალდების კონსტრუქციული ელემენტების, აღჭურვილობის, ფუნქციური სისტემების და ძალური დანადგარის მომსახურებას ოპერატიული ტექნიკური მომსახურების ფარგლებში.

დასაქმების სფეროა ავიაცია და აუცილებელი პირობაა შესაბამისი ლიცენზიის ფლობა -„საჰაერო ხომალდების ტექნიკური მომსახურების სპეციალისტის მოწმობა“.

მოწმობის ტიპის მიხედვით დასაქმების შესაძლებლობებია:

A – საჰაერო ხომალდების ოპერატიული ტექნიკური მომსახურების სპეციალისტს შეუძლია იმუშაოს საჰაერო ხომალდებზე, შესაბამისი მოწმობის აღების მერე (რომელიც საერთაშორისო კანონმდებლობის შესაბამისად სპეციალისტმა უნდა აიღოს სწავლების დასრულების შემდეგ) შემდეგ პოზიციებზე:

• საჰაერო ხომალდების მექანიკოსი;
• საჰაერო ხომალდების გამართვის ტექნიკოსი;
• საჰაერო ხომალდების და ძრავების მექანიკოსი;
• პლანერის მექანიკოსი;
• საჰაერო ხომალდების მომსახურების ტექნიკოსი;
• შვეულმფრენის მექანიკოსი;
• რეაქტიული ძრავების მექანიკოსი;
• პნევმოსისტემის მექანიკოსი (საჰაერო ხომალდი);
• ძალური დანადგარის მექანიკოსი (საჰაერო ხომალდი).

საგანმანათლებლო პროგრამის შინაარსი და სწავლების ხარისხი უზრუნველყოფს იმგვარი სწავლის შედეგების მიღწევასა და კომპეტენციების გამომუშავებას, რომლის შედეგად პირს შეუძლია მოწმობის მოპოვება.

საგანმანათლებლო პროგრამის დასრულების შედეგად კურსდამთავრებულს სწავლის გაგრძელება შეუძლია უმაღლესი განათლების ბაკალავრიატის საფეხურზე ინჟინერიის მიმართულებით.