პროგრამის მიზანია:

1. საჰაერო ტრანსპორტის მენეჯმენტის სფეროში კვალიფიციური კადრების მომზადება, რომელსაც
ექნება ავია საწარმოების მართვის ინოვაციური მეთოდების, სტრატეგიების შეიმუშავებისა და
განავითარების ღრმა და სისტემური ცოდნა.
2. პროგრამა ასევე ორიენტირებულია მოამზადოს საჰაერო ტრანსპორტის მართვის
კონკურენტუნარიანი სპეციალისტი პრაქტიკული უნარ-ჩვევებით.
3. უზრუნველყოს ანალიტიკური, კრიტიკული აზროვნების, შემოქმედებითი და სამეცნიერო კვლევითი
უნარების მქონე სპეციალისტის მომზადება ავიასაწარმოების სტრატეგიული დაგეგმვის
კონტექსტში.

მაგისტრატურაში სწავლის უფლება აქვს ბაკალავრს ან მასთან გათანაბრებული აკადემიური
ხარისხის მქონე პირს, რომელიც ჩაირიცხება შესაბამისი გამოცდების შედეგების საფუძველზე, რაც საერთო
სამაგისტრო გამოცდასთან ერთად ითვალისწინებს უნივერსიტეტის პროგრამების მიხედვით მისაღები
სასპეციალიზაციო გამოცდების ჩაბარებას, ასევე სავალდებულოა ინგლისური ენის B2 დონის
დამადასტურებელი დოკუმენტის ფლობა.

ინგლისური ენის ტესტირებისგან თავისუფლდება კანდიდატი, რომელიც წარმოადგენს ინგლისური ენის
ALTE B2 დონეზე ცოდნის დამადასტურებელ სერტიფიკატს, ასევე კანდიდატი, ვისაც ინგლისურ ენაზე
გავლილი აქვს ბაკალავრიატის ან მაგისტრატურის სრული ან არასრული კურსი.

სერტიფიკატის არარსებობის შემთხვევაში უნივერსიტეტი უზრუნველყოფს გამოცდის ჩატარებას.
პროგრამაზე ჩარიცხვა სამაგისტრო გამოცდების გავლის გარეშე, შესაძლებელია საქართველოს
განათლებისა და მეცნიერების სამინისტროს მიერ დადგენილი წესით.

საქართველოს საავიაციო უნივერსიტეტის უმაღლესი საგანმანათლებლო პროგრამების შემუშავების, დამტკიცების, მასში ცვლილების შეტანისა და გაუქმების წესი და პროცედურების თანახმად დაიგეგმა და შემუშავდა ბიზნესის ადმინისტრირების საჰაერო ტრანსპორტის მენეჯმენტის სამაგისტრო საგანმანათლებლო პროგრამა. რომელშიც მონაწილეობა მიიღო ყველა დაინტერესებულმა მხარემ. ამ რეგულაციის თანახმად, პროგრამის დაგეგმვა-შემუშავებისა და განვითარების პროცესში გათვალისწინებულია შრომის ბაზრის მოთხოვნები, კურსდამთავრებულებისა და დამსაქმებელთა მოსაზრება, სტუდენტთა და კურსდამთავრებულთა გამოკითხვის შედეგები, სტუდენტთა აკადემიური მოსწრების მონიტორინგის შედეგები, ადგილობრივი და საერთაშორისო გამოცდილება. (უმაღლესი საგანმანათლებლო პროგრამების განხორციელების წესი, მუხლი 3 – საგანანმანათლებლო პროგრამის დაგეგმვა-შემუშავება და აკრედიტაციაზე წარდგენა, 9, 10, 11, 12 პუნქტები) პროგრამის შინაარსი შეესაბამება სამაგისტრო საფეხურისთვის ეროვნული საკვალიფიკაციო ჩარჩოთი განსაზღვრულ მოთხოვნებს. მისი მოცულობაა 120 კრედიტი. პროგრამის შინაარსი და სტრუქტურა შესაბამისობაშია მისანიჭებელ კვალიფიკაციებთან და უზრუნველყოფს პროგრამის სწავლის შედეგების მიღწევას. პროგრამას ახლავს რუკა, რომელიც ადგენს მიმართებას პროგრამის მიზნებსა და სწავლის შედეგებს, ასევე პროგრამის სასწავლო კურსებსა და სწავლის შედეგებს შორის კერძოდ, სამაგისტრო პროგრამის მოთხოვნების შესასრულებლად სტუდენტმა უნდა დააგროვოს 120 კრედიტი. აქედან: 95 კრედიტი განკუთვნილია ძირითადი სწავლის სფეროს სავალდებულო სასწავლო კურსებისათვის, საიდანაც: 20 კრედიტი ეთმობა სამაგისტრო ნაშრომს; 10 კრედიტი სასწავლო პრაქტიკას; პროგრამის ფარგლებში 15 კრედიტი ეთმობა ძირითადი სწავლის სფეროს არჩევით სასწავლო კურსებს; ხოლო 10 კრედიტი თავისუფალი კომპონენტებისათვის არის განკუთვნილი. პროგრამა მოიცავს 2 სასწავლო წელს (4 სემესტრი), სასწავლო წელი იყოფა 2 სემესტრად. სწავლების ბოლო სემესტრი ეთმობა სამაგისტრო ნაშრომზე მუშაობას და სასწავლო პრაქტიკას, რომელიც პროგრამის მნიშვნელოვან კომპონენტს წარმოადგენს. კომპონენტის ფარგლებში სტუდენტი დამოუკიდებლად განსაზღვრავს საჰაერო ტრანსპორტის მენეჯმენტის სფეროში არსებულ კომპლექსურ პრობლემას და ამზადებს სამაგისტრო ნაშრომს, რომელიც ორიენტირებულია პრობლემისა და მისი კონტექსტის შესწავლაზე კვლევის მეთოდების გამოყენებით და მისი ეფექტური გადაჭრისთვის შესაბამისი რეკომენდაციების ჩამოყალიბებით.