პროგრამის მიზნებია:

• საავიაციო სფეროს ფართო  ცოდნის შეძენა, რომელიც სტუდენტს საშუალებას მისცემს დაეუფლოს საფრენი აპარატების დაპროექტების და წარმოების  პრაქტიკულ საქმიანობას;
• მისცეს ბაკალავრს შეძენილი ცოდნის პრაქტიკული საქმიანობით გამყარების, თეორიული ცოდნისა და ტრანსფერული უნარების განვითარების, საფრენი აპარატების დაპროექტების და წარმოების   ტექნოლოგიების დინამიურ და სწრაფად ცვლად გარემოში ორიენტირების შესაძლებლობა;
• ჩამოუყალიბოს კურსდამთავრებულს საგანმანათლებლო პროგრამით განსაზღვრული დარგობრივი კომპეტენციები, მოვლენათა კომპლექსური ხედვის და პროცესების ობიექტური შეფასების უნარ-ჩვევები;
• მოამზადოს შრომის ბაზრის მოთხოვნების შესაბამისი კვალიფიციური, კონკურენტუნარიანი ავიასპეციალისტი, რომელსაც მიეცემა იმ თანამდებობებზე მუშაობის შესაძლებლობა, სადაც საჭიროა ინჟინერიის ბაკალავრის აკადმიური ხარისხი მექანიკის ინჟინერიასა და ტექნოლოგიაში.

პროგრამაზე სწავლის უფლება აქვს საქართველოში გაცემული ან მასთან გათანაბრებული სრული ზოგადი განათლების დამადასტურებელი სახელმწიფო სერტიფიკატის მქონე პირს, საქართველოს განათლების, მეცნიერების, კულტურისა და სპორტის სამინისტროს მიერ დადგენილი წესის შესაბამისად, ერთიანი ეროვნული გამოცდების შედეგების საფუძველზე.

ერთიანი ეროვნული გამოცდების გარეშე სტუდენტის სტატუსის მოპოვების უფლება შესაძლებელია საქართველოს განათლების, მეცნიერების, კულტურისა და სპორტის სამინისტროს მიერ დადგენილი წესების საფუძველზე. პროგრამაზე სწავლის უფლების მოპოვება ასევე შესაძლებელია მობილობის ან შიდა მობილობის გზით საქართველოს კანონმდებლობითა და უნივერსიტეტის შიდა მარეგულირებელი წესების მოთხოვნათა გათვალისწინებით.

იმ პირთათვის, რომლებიც ბოლო 2 წლის განმავლობაში სწავლობდნენ და სრული ზოგადი განათლების ან საბაზო ზოგადი განათლების დამადასტურებელი დოკუმენტი მიიღეს „ოკუპირებული ტერიტორიების შესახებ“ საქართველოს კანონით გათვალისწინებულ ოკუპირებულ ტერიტორიაზე არსებულ ზოგადსაგანმანათლებლო დაწესებულებაში საჭიროა განათლების აღიარების დოკუმენტი.

პროგრამის სტრუქტურის სანახავად გადადით ბმულზე