საქართველოს საავიაციო უნივერსიტეტის ასისტენტი,დოქტორანტი – ზურაბ კოპალეიშვილი შოთა რუსთაველის საქართველოს სამეცნიერო ფონდის დოქტორანტურის საგანმანათლებლო პროგრამის საგრანტო კონკურსის გამარჯვებულია.
პროექტის სახელწოდებაა: სანაპირო ზოლში მომუშავე სამაშველო დრონებისა და შვეულმფრენების ფრენის უსაფრთხოების გაზრდა ძრავებში ფრინველების მოხვედრისგან დამცავი მოწყობილობების გამოყენებით.
საგრანტო პროექტის ფარგლებში, ორი წლის განმავლობაში განხორციელდება სადოქტორო კვლევასთან დაკავშირებული აქტივობები. პროექტი ასევე მოიცავს ორ საერთაშორისო კონფერენციას საქართველოს საზღვრებს გარეთ.
დოქტორანტის ხელმძღვანელები გახლავთ პროფესორი ანდრო მაისურაძე,ხოლო თანახელმძღვანელი, ასოცირებული პროფესორი ბიჭიკო მაზანიშვილი.