2026 წლის 22–25 თებერვალს საქართველოს საავიაციო უნივერსიტეტის
წარმომადგენლებმა, რექტორის პირველმა მოადგილემ დავით ტეფნაძემ და საინჟინრო
ფაკულტეტის დეკანმა ვაჟა კელიხაშვილმა ოფიციალური სამუშაო ვიზიტი
განახორციელეს თურქეთის წამყვან უმაღლეს საგანმანათლებლო
დაწესებულებებში.

ვიზიტის ფარგლებში შეხვედრები გაიმართა შემდეგ უნივერსიტეტებში:
 Adana Alparslan Türkeş Science and Technology University,
 Iskenderun Technical University,
 Osmaniye Korkut Ata University,
 Mersin University,
 Çukurova University
 Tarsus University.

შეხვედრების ფარგლებში გაიმართა ოფიციალური მიღებები რექტორატებში,
განხილულ იქნა სამომავლო თანამშრომლობის პერსპექტივები, სტუდენტებისა
და აკადემიური პერსონალის გაცვლითი პროგრამები, ერთობლივი კვლევითი და
საგანმანათლებლო პროექტები.

აღნიშნული ვიზიტი წარმოადგენს მნიშვნელოვან ნაბიჯს საქართველოს
საავიაციო უნივერსიტეტის საერთაშორისო პარტნიორობის გაფართოების,
აკადემიური კავშირების გაღრმავებისა და ერთობლივი პროექტების
განვითარების მიმართულებით.