მემორანდუმის მიზანია უნივერსიტეტის სტუდენტებისა და კურსდამთავრებულებისთვის დასაქმების, პროფესიული გამოცდილების მიღებისა და კარიერული განვითარების შესაძლებლობების ხელშეწყობა.

თანამშრომლობის ფარგლებში, სტუდენტებსა და კურსდამთავრებულებს შესაძლებლობა ექნებათ, გაეცნონ საქართველოს ფოსტაში არსებულ ვაკანსიებსა და დასაქმების პერსპექტივებს, ჩაერთონ პროფესიული განვითარების აქტივობებში, ასევე მიიღონ ინფორმაცია სტაჟირებისა და პრაქტიკული გამოცდილების მიღების შესაძლებლობების შესახებ.

პარტნიორობა ასევე ითვალისწინებს საინფორმაციო შეხვედრებისა და დასაქმების ფორუმების ორგანიზებას.