ფესტივალის დასკვნითი ღონისძიების ფარგლებში უნივერსიტეტებმა, კოლეჯებმა, სკოლებმა და სამეცნიერო ორგანიზაციებმა საკუთარი სამეცნიერო, საგანმანათლებლო და ინოვაციური პროექტები წარადგინეს.

 საქართველოს საავიაციო უნივერსიტეტმა დამთვალიერებლებს საავიაციო განათლებისა და პროფესიული შესაძლებლობების შესახებ ინფორმაცია გაუზიარა და ახალგაზრდებს ავიაციის სფეროში სწავლისა და განვითარების პერსპექტივები გააცნო.

 მეცნიერების რეგიონული ფესტივალი საქართველოს განათლების, მეცნიერებისა და ახალგაზრდობის სამინისტროს მხარდაჭერით გაიმართა. მისი მიზანია რეგიონებში სამეცნიერო და ინოვაციური საქმიანობის ხელშეწყობა, ახალგაზრდებში კვლევითი ინტერესის გაღვივება და საგანმანათლებლო დაწესებულებებს შორის თანამშრომლობის გაძლიერება.

 საქართველოს საავიაციო უნივერსიტეტი აქტიურად უჭერს მხარს ახალგაზრდებში მეცნიერების, ინოვაციებისა და ავიაციის მიმართ ინტერესის გაღვივებას.